#苹果#:【冯程程许文强唔识老】发哥 @周润发 揾食揾到 @赵雅芝 约埋 @方中信alex 智叔跑山...

许文强同冯程程RE-U?

又拍《#上海滩#》?唔系啩?唔好又整套中港合拍《2018新新上海滩》㖞…
赵雅芝㖊日喺微博贴咗几张发哥突击探班嘅相,写道:“文强来探班,大家都雀跃不已!发哥还制作了一张黑白效果图片。”有图有真相,只见发哥好亲切咁揽住赵雅芝,同场仲有《#八个女人一台戏#》导演关锦鹏、著名美指文念中,梁咏琪同 @周家怡 。发哥一身跑山look,笠咗个头箍,额前长发就好似窗帘布咁呈抛物线再跌番落嚟,相当趣致。
赵雅芝就话,佢哋喺元朗开工期间,发哥带埋烧鹅探班,之后再去跑步,跑完又返番嚟同冯程程再续未了缘。其实发哥俾人“捕获”都好正常,呢期就更加,因为佢依家成日约埋新戏《#无双#》嘅crew,同埋方中信、智叔 @廖启智 等成班人浩浩荡荡日日去跑山,足迹遍及香港九龙新界离岛。
据知发哥依家每朝六七点左右就吹鸡开跑,跑到咁上下,饿喇,就要揾嘢食啦。呢个,系重点。
嗜吃嘅发哥,去到每一个check point,都一定一定一定唔会错过𠮶度著名小食/美食,由深井烧鹅到西贡海鲜,大帽山茶水亭莲姐,发哥决不错过;加上成日撞到行家拍戏,于是佢就顺便买埋美食探班,分甘同味。边度有好嘢食,边度就有发哥,佢最钟意就系帮趁小店,捐窿捐罅难佢唔到。
啱吖,呢头跑完,𠮶头揾好嘢食,唔食嘢又边度有energy跑步㖞!所以下次撞到发哥,selfie完之后,不妨问下佢去咗边度揾食啦!