#苹果#:【暗示“韩姨”爆料有古怪 】唔信#曾志伟#@曾志伟奖门人 涉性侵 谭咏麟:佢应该冇咁嘅能力!

曾志伟遭大陆“#金牌模特儿教母#”#韩颖华#@韩姨在此 (人称“#韩姨#”)指名道姓,指其涉及性侵,事隔48小时,志伟到o依家仍然未有回应,亦暂未发律师信。记曾致电曾志伟,但电话飞咗落留言信箱。

人人都揾唔到志伟,但福禄寿之一 ——— #谭咏麟#@谭咏麟AlanTam 就成功喇。
谭咏麟昨日喺广州出席活动,讲起老友曾志伟最近所涉嘅报道,谭咏麟话睇完之后打过俾志伟,讲电话过程中有说有笑,志伟仲话“点会系真?”。至于韩姨所指曾志伟涉及嘅事件,继续喺微博蔓延,谭咏麟喺呢个问题上就答得好妙:“我唔知道,唔知道乜嘢教父教母,第一,我唔识佢,喺咁嘅时刻,真系千奇百怪、多姿多彩。”

至于躺着也中枪嘅#周冬雨#@周冬雨 ,有网民指因佢同曾志伟关系好,先可以接拍到#曾国祥# @曾国祥 部《#七月与安生#》,校长即笑:“呢啲我唔知嘅呢,我就唔评论。我觉得唔系嘅。”
再问到系咪相信志伟绝对唔会做呢啲事?校长搞笑话:“佢应该冇咁嘅能力!”然后记者追问佢边方面冇能力?校长哈哈大笑话:“朋友嚟嘅嚟嘅,唔讲得。”